«2014-2020 елларда Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын гамәлгә ашыру кысаларында Казанда ел саен фәнни-гамәли конференция һәм мәктәп укучыларының Россия халыклары телләрендә укулары уза. Сарсак-Омга лицее бу чарада актив катнаша. 

Бәйгедә катнашкан яхшы эшләр җыентыкта да басылып чыга.

Быел безнең укучылар рус һәм татар телләре секцияләрендә эшләделәр. Рамил һәм Аделина уңышлы чыгыш ясадылар,

ә Лидия призер исеменә лаек булды. Бәхете аягына уралган))).

Укучыларыбызга Казан шәһәрен күрсәткән өчен лицейның тәрбия эшләре буенча директор урынбасары Ләйсән Малик кызы Шәйдуллинага, поездга озату-каршы алу җаваплылыгын үз өстенә алган Финат абыйга, Марат Альберт улына һәм Лена Сергей кызына бик зур рәхмәт.